Tag Archive | "dw"

Çfarë pasojash do të kishte për grekët dalja nga eurozona


Ajo që pak javë më parë konsiderohej ende si skenar tmerri, po diskutohet ndërkohë hapur në Gjermani: Të shprehurit në lidhje me daljen e Greqisë nga euroja shkakton në Athinë trazim. Qeveria e kryeministrit Jorgos Papandreou i mohon me forcë zërat dhe akuzat, se ajo ka hequr dorë prej synimeve të saj të kursimit, ose se ekspertët financiarë të BE-së, FMN-së dhe ECB-së nuk janë më të mirëseardhur në Athinë. Por shumë ekspertë financiarë e akuzojnë qeverinë se ajo është bashkëfajtore për gjendjen e keqe të sotme dhe për grindjen më të re me troikën gjithashtu. Me gjithë dyshimet ndaj përpjekjeve të kursimit të qeverisë Papandreou: lojërat e ideve mbi daljen nga euroja nuk shtrohen seriozisht për diskutim në Greqi. Të gjitha partitë politike e kanë shpallur mbetjen në eurozonë si detyrë kombëtare. Përjashtim përbëjnë komunistët, dikur besnikë të Moskës, të cilët do të donin të zhduknin krejt BE-në, si dhe populistët e djathtë, të udhëhequr prej ish-bodybuilder-it Jorgos Karadzaferis, i cili sjell në lojë një “dhrahmi evropiane” si monedhë paralele me euron.
“Rifutja e dhrahmisë do të ishte vetëvrasje ekonomike.”

Shumica e grekëve duan euron dhe dhrahminë
Shumica e ekspertëve financiarë në Athinë janë të një mendjeje: Rifutja e dhrahmisë do të ishte vetëvrasje ekonomike, aq më tepër që një zhvlerësim i fuqishëm i monedhës nuk do t’i zgjidhte aspak problemet strukturore të ekonomisë greke. Por e vërtetë është gjithashtu: Me një mbetje në eurozonë Greqia do të duhej të vazhdonte një zhvlerësim të brendshëm nëpërmjet uljes së pagave dhe të çmimeve. Fatkeqësisht politikanët e fshehin faktin, që edhe kjo udhë mund të jetë shumë e dhimbshme, ankohet eksperti monetar Kostas Melas: “Daç kështu daç ashtu Greqia duhet të zhvlerësojë me të paktën 40 për qind për të kompensuar humbjen e aftësisë konkurruese”, shpjegon Melas. “Që sot po shkurtohen pagat, të ardhurat dhe pensionet përmes zhvlerësimit të brendshëm dhe ky proces përshtatjeje mund të zgjasë shumë. Në sektorin publik shumë punëmarrësve u është dashur të heqin dorë nga 40 për qind e të ardhurave vjetore. Diçka e ngjashme pritet tani edhe në ekonominë private”, thotë ekonomisti athinas.
Venizelos mohon të ketë pasur ndonjëherë grindje me troikën

Ministri i Financave të Luksemburgut Jean-Claude Juncker me homologun e tij grek Evangelos Venizelos
Zërat për daljen e Greqisë nga euroja u dëgjuan, pasi e ashtuquajtura ‘troikë’ me ekspertë të BE-së, FMN-së dhe ECB-së u grind me ministrin grek të Financave Evangelos Venizelos dhe u largua para kohe nga Athina. Shumë grekë shohin këtu një lidhje: Gjoja Evropa ka përhapur zëra largimi të Greqisë nga euroja për të rritur trysninë mbi qeverinë greke, thuhet në Athinë. Venizelos mohon me forcë të ketë pasur ndonjëherë grindje me troikën, por ai duhet t’ia ngarkojë vetes fajin për grindjen dhe është kësisoj bashkëpërgjegjës për zërat, beson Stelios Katranidis, profesor ekonomie në Universitetin e Selanikut.
Arsyeja për gjendjen shpërthyese është përpjekja e jofatlume e ministrit të financave për të arritur doemos rinegociimin e masave të kursimit (me troikën), thotë Katranidis. Për këtë ai është paralajmëruar vazhdimisht. Negociata të reja mund të zhvillojë vetëm ai, që përmbush parakushte të caktuara, konkretisht besueshmëri, fuqi e madhe negociuese dhe ndjesia për momentin e duhur. Fatkeqësisht me dorë të zgjatur nuk je në gjendje të arrish rinegociim, ankohet Katranidis.
Kryeministri Papandreou u bën apel grekëve

Apeli i Papandreout synon të sigurojë edhe mbijetesën e tij politike
Me aftësi taktike ai po apelon me fjalë të bukura te bashkëatdhetarët e vet, që të nisin luftën kundër rrugës pa krye, të shmangin falimentimin dhe t’ua nxjerrin rrenat në shesh njerëzve brenda dhe jashtë vendit, të cilët bartin rezerva. Apeli i zakonshëm i kryeministrit në situata të tilla krize te krenaria e grekëve nuk synon të ndihmojë vetëm shmangien e më të keqes, po synon të sigurojë edhe mbijetesën e tij politike: „Disa zëra kërkojnë hapur daljen e Greqisë nga euroja; shumë në Evropë, por edhe këtu në vend, venë bast për dështimin tonë, për t’u shërbyer interesave të tyre politike, ose ekonomike, ose urojnë që të ndodhë falimentimi për të pasur një jetë të mirë në vendin e lirë Greqi me paratë, që kanë nxjerrë në kohën e duhur jashtë Greqisë,” paralajmëron Papandreou. “Qytetarët duhet të japin tani, sipas tij, përgjigjen e duhur. Ata duhet të livrojnë dëshminë, se Greqia mund t’ia dalë”, kërkon kryeministri.
Por për momentin qytetarët janë tepër të zënë me luftën e tyre për mbijetesë. Pas shkurtimeve të të ardhurave deri në 30 për qind në 2010-ën çdo familje greke duhet të heqë dorë sivjet edhe nga një pagë muaji. Masa të tjera kursimi deri në fund të 2011-ës nuk përjashtohen.

Burimi:DW

Posted in BotaComments Off on Çfarë pasojash do të kishte për grekët dalja nga eurozona

Politika gjermane diskuton për falimentimin e Greqisë


Deklarata e zëvendëskancelarit gjerman, Philipp Rösler për falimentim të kontrolluar të Greqisë ndez debatin për përjashtimin e Greqisë nga eurozona. Kancelarja Merkel bën të qartë se pret vendimet e trojkës evropiane. Pas deklaratave të ministrit gjerman të Ekonomisë dhe zëvendëskancelarit, Philip Rösler (FDP) në fundjavë për një falimentim të kontrolluar të Greqisë si shansin e fundit me qëllim stabilizimin e eurozonës nga borxhet, reagon edhe kancelarja gjermane, Angela Merkel. Merkel tha në Berlin se ajo nuk mendon se puna do të shkojë deri aty sa Greqia do të nxirret jashtë eurozonës. Zëdhënësi i qeverisë, Steffen Seibert tha në Berlin të hënën se qeveria gjermane, nuk llogarit me daljen e Greqisë nga eurozona. “Ne duam të stabilizojmë eurozonën me të gjithë shtetet anëtare” tha Seibert. Qeveria gjermane nuk do një debat për përjashtimin e Greqisë.

Sekretari i Përgjithsëm i CDU-së, Hermann Gröhe kritikoi debatin e ndezur pas deklaratave të Röslerit për falimentim të mundshëm, duke dalë kështu hapur kundër partnerit të koalicionit.

Steffen Seibert zëdhënësi i qeverisë
Por përjashtimi i Greqisë nga eurozona edhe sikur të dëshirohet nga qeveria gjermane nuk bëhet aq kollaj. Marrëveshjet evropiane nuk e parashohin një dalje vullnetare nga eurozona dhe as përjashtimin e një vendi nga unioni. “Madje edhe vetë kuadri ligjor e pengon këtë hap”, tha Seibert në Berlin.
Për kancelaren gjermane Merkel, rezultatet e trojkës evropiane për Greqinë kanë një rëndësi vendimtare. Kjo vlen për të gjithë koalicionin qeveritar, tha zëdhënësi i qeverisë.
Vendimet e trojkës janë fjala e fundit
Trojka e ekspertëve të BE-së, FMN-së dhe Bankës Qendrore Evopiane udhëton këtë të mërkurë në Athinë për të kontrolluar sukseset e Greqisë në drejtim të programit të kursimeve. Deri më tani Greqia nuk ia ka dalë të ristrukturojë shtetin dhe të luftojë evazionin fiskal në ato përmasa që pret BE.

Horst Seehofer (CSU) e sheh si zgjidhje të fundit përjashtimin nga eurozona
Trysni po i vjen qeverisë gjermane në çështjen greke edhe nga radhët e saj. Kryetari i partisë kristiansociale CSU që qeveris bashkë me CDU-, Horst Seehofer u shpreh se Bashkimi Evropian nuk duhet të kthehet në një union huash. Prandaj përjashtimi nga eurozona duhet parë “si zgjidhja e fundit po qe se se grekët nuk ia dalin të ulin borxhet.”
Autor: dpa/Lindita Arapi
Redaktoi: Vilma Filaj-Ballvora

Burimi:DW

Posted in BotaComments Off on Politika gjermane diskuton për falimentimin e Greqisë

Google blen degën e telefonave celularë të Motorolas


Gjiganti i internetit Google ka blerë degën e telefonave celularë të Motorolas për 12,5 miliardë dollarë. Me këtë Google synon t’i japë shtysë të re sistemit vetjak të telefonave smartfon Android. Motorola e shkëputi pak kohë nga aktivitetet e tjera të koncernit degën e telefonave celularë. Dega e celularëve u nda nga dega e infrastrukturës, e cila ndërkohë është blerë nga Nokia Siemens Networks.

Burimi: DW

Posted in Bota, Shkence - TeknologjiComments Off on Google blen degën e telefonave celularë të Motorolas

Sarkozy, Merkel dhe Zapatero konsultohen për krizën më të re


Për shkak të krizës më të re në zonën e euros, kancelarja gjermane Angela Merkel do të konsultohet sot me telefon me presidentin francez Nicolas Sarkozy dhe kryeministrin e Spanjës José Luis Rodriguez Zapatero. Këto të dhëna i bëri të ditura kabineti i presidentit Sarkozy në Paris, pa dhënë detaje të tjera. Presidenti i Komisionit të BE-së José Manuel Barroso ka deklaruar se për shkak të problemeve financiare në Spanjë dhe Itali ka nevojë për debate të reja lidhur me paketën e shpëtimit të euros. Në një letër dërguar presidentëve dhe kryeministrave të zonës së euros Barroso ka kërkuar në mënyrë indirekte rritjen e fondit të krizave i cili aktualisht kap shumën prej 440 miliardë euro. Qeveria gjermane ka hedhur poshtë këtë propozim.

Burimi:DW

Posted in BotaComments Off on Sarkozy, Merkel dhe Zapatero konsultohen për krizën më të re

Cilën pasaportë duhet të mbash? Debat për nënshtetësinë e dyfishtë në Gjermani


A duhet të vendosin ndërmjet dy nënshtetësive fëmijët, që kanë lindur dhe jetojnë në Gjermani me prindër të huaj? Po, thonë politikanët konservatorë, jo thonë të majtët dhe liberalët.

Në koalicionin qeveritar ravijëzohet një konflikt i ri për të drejtën e të huajve. Sipas politikanëve të SPD (partia socialdemokrate) të rinjve me origjinë të huaj duhet t´u lejohet në parim nënshtetësia e dyfishtë.CDU (unioni kristiansocial) nga ana tjetër synon kthimin te rregulli i vjetër i viteve 90-të, i cili lejon nënshtetësinë e dyfishtë vetëm në raste të veçanta. Që prej vitit 2000 vlen varianti, sipas të cilit fëmijët e të huajve të lindur në Gjermani duhet të vendosin deri në moshën 23 vjeçare për njërën nga nënshtetësitë. Nëqoftëse nuk e bëjnë këtë, e humbasin automatikisht nënshtetësinë gjermane. Nga kjo problematikë janë të prekur kryesisht banorët me origjinë turke. Shumica e tyre shpreson për një vendim në favor të nënshtetësisë së dyfishtë.

3.300 të rinjve në Gjermani u vijnë këto ditë letra nga autoritetet – jo sepse kanë bërë diçka të keqe. Në letër u shtrohet pyetja se cilën pasaportë dëshërojnë të mbajnë? Për fëmijët, që kanë lindur në Gjermani, por që kanë prindër të huaj, vlen që prej tetë vjetësh ky rregull. Fillimisht mund t´i mbajnë të dyja pasaportat, por nga mosha 18 deri 23 duhet të vendosin për gjermanen, ose psh për turken. Meqë rregulli vlen për të gjithë ata, që kanë lindur pas vitit 1990, letrat e para kanë filluar të vijnë tani.

SPD (Partia Socialdemokrate), e cila e ka futur në zbatim këtë ligj në vitin 2000 me këmbënguljen e CDU (Unionit kristiandemokrat), e konsideron tanimë këtë rregull absurd, siç shprehet eksperti për cështjet e brendshme Dieter Wiefelspütz: “Njeriu është 18 me rradhë qytetar gjerman dhe tani detyrohet që të vrasë mendjen, nëse do të mbetet gjerman apo jo. Kjo më duket e çmendur dhe johumane. Përveç kësaj është një gjë monstruoze për nga burokracia. Ne duhet t´i kërkojmë e t´i gjejmë njerëzit dhe t´i detyrojmë të marrin vendim.”

Partia e tij prej vitesh dëshëron, që të fusë parimisht si model nënshtetësinë e dyfishtë, sepse nuk do të krijoheshin probleme po të kishte dy pasaporta. Këtë çështje e sheh ndryshe shumica te partneri në koalicion, CDU. Ata kanë frikë, se përmes nënshtetësisë së dyfishtë do të krijoheshin konflikte në çështjen e lojalitetit.

“Ne në union jemi të mendimit, që të gezohemi për secilin, që ka vendosur, të marrë nënshtetësinë gjermane. Nqs janë plotësuar kushtet për një gjë të tillë, nga ne kjo është më se e mirëpritur. Por ju lutem me devocion të plotë për nënshtetësinë gjermane, sepse nuk mund të ketë as lojalitete të ndara dhe as të dyfishtal,” thotë Wolfgang Bosbach, politikan i CDU-së. Ai do të kthehet përsëri te rregulli i vjetër i nënshtetësisë. Në bazë të tij për pasaportë gjermane ka të drejtë vetëm ai, që heq dorë nga nënshtetësia e tij e vjetër.

Shoqatat e migrantëve shohin nga ana e tyre probleme lojaliteti të një lloji krejt tjetër. Nqs të rinjtë duhet të vendosin tani për njërën pasaportë, dhe për arsye praktike të zgjedhin atë gjermane, atëherë kjo shpesh shihet si ofezë nga familja turke. Kjo fut grindje të panevojshme në familje. Për Serdar Yazar i shoqatës federale të studenteve turq patja e të dy pasaportave është një simbol i rëndësishëm. “Në zemër ne jemi turq dhe gjermanë dhe prandaj bota e ndjenjave tona duhej të respektohej sa më shumë të jetë e mundur në ligje. Dhe është me të vertetë një investim burokratik, për ta ndryshuar këtë situatë ligjore.”

Yazar angazhohet prej vitesh për pasaportën e dyfishtë. Edhe për faktin se ajo ekziston prej kohësh për shumë të huaj: qytetarët nga vende të tjera të BE-së , zviceranët dhe gjermanët e ardhur vonë nga vendet e lindjes. Po të heqësh të gjitha këto përjashtime, ankohen shoqatat turke, do të mbeteshin vetëm turqit. Përse pra gjermano-turqit me dy pasaporta duhet të përbëjnë problem? Por Serdar Yazar shpreson, se do të bëhet diçka me pasaportën e dyfishtë.

“Ne e shohim, që kemi ngjallur një debat, në të cilin as CDU nuk është unike kundër kërkesave tona. Edhe në rradhët e veta ka disa, që janë të gatshëm, për të diskutuar për këtë temë.”

Ai beson se pas zgjedhjeve parlamentare të 2009-ës, do të vijë nënshtetësia e dyfishtë. Atëherë studenti 27 vjecar nga Berlini do të kerkojë pasaportën numër dy, atë turke.

Burimi: DW

Posted in BotaComments Off on Cilën pasaportë duhet të mbash? Debat për nënshtetësinë e dyfishtë në Gjermani

Protestuesit serbë djegin pikën kufitare në Jarinjë


Djegia dhe shkatërrimi me eskavator i pikës kufitare në Jarinjë, është bilanci i aksionit të rreth 200 protestuesve serbë në mbrëmjen e së mërkurës. Cak tjetër i protestuesve serbë ishte edhe baza e KFOR-it. Lajmin konfirmohet nga Policia e Kosovës dhe KFOR-i.

Në një konferencë të jashtëzakonshme për media, kryeminstri i Kosovës Hashim Thaçi akuzoi Beogradin për nxitje direkte të dhunës në veri, me qëllim ndarjen e Kosovës. „Këto veprime të dhunshme janë koordinuar dhe udhëhequr nga strukturat më të larta politike të qeverisë së Serbisë. Reciprociteti në mes të shtetit të Kosovës dhe të Serbisë do të instalohet. Nuk do të tërhiqemi. Nuk do të ketë kthim prapa në asnjë rrethanë dhe me asnjë çmim. Ky është vendi ynë dhe kjo është e drejta jonë kushtetuese dhe ligjore. Skenari i Serbisë për ndarjen e veriut të Kosovës nuk do të ndodhë kurrë dhe në asnjë rrethanë. Kurrë s´kemi qënë më të vendosur në këto 12-të vjetët e fundit”, tha kryeministri Thaçi. Ai shprehu bindjen se vandalizmi nuk do të ngadhnjejë mbi vlerat demokratike dhe se tani është koha për instalimin e rendit dhe ligjit në gjithë territorin e Kosovës.

Ndërsa komandanti i KFOR-it, gjenerali Erhard Byhler ka paralajmëruar esktremistët se KFOR-i është plotësisht i përgatitur, ka vullnetin dhe mjetet për të ruajtur rendin dhe sigurinë në Kosovë.

Burimi:DW

Posted in Bota, ShqiperiaComments Off on Protestuesit serbë djegin pikën kufitare në Jarinjë

Të paktën 91 viktima në atentatin e dyfishtë në Norvegji


Pas atentatit të dyfishtë të së premtes, drejtësia në Norvegji bën përgjegjës për vrasjen e 91 personave, një 32-vjeçar norvegjez të arrestuar. Ai është fajësuar përkohësisht për kryerjen e akteve terroriste. Autoritetet në Oslo folën për një sfond fondamentalist të krishterë dhe orientim anti-islamik të atentatorit. Të dhënat për kontakte me skenën ekstremiste të djathtë dhe bashkëpunëtorë të mundshëm janë kontradiktore. Sipas një njoftimi në medie, i akuzuari kishte blerë rreth gjashtë muaj më parë pleh artificial, i cili përdoret edhe për prodhimin e bombave artizanale.

Burimi: DW

Posted in BotaComments Off on Të paktën 91 viktima në atentatin e dyfishtë në Norvegji

Në Belgjikë hyn në fuqi ndalimi i burkës


Në Belgjikë gratë myslimane këtej e tutje nuk mund të mbajnë më burkën në ambjente publike. Belgjika është pas Francës vendi i dytë evropian, në të cilin burka dhe nikabi ndalohen në jetën publike. Sipas ligjit të ri askush nuk lehojet më të mbulojë fytyrën në mënyrë të tillë, që të bëjë të pamundur identifikimin e personit. Ndryshe kërcënojnë gjoba deri në 137 euro, njoftojnë mediet. Edhe Spanja dhe Holanda planifikojnë masa të ngjashme.

Burimi: DW

Posted in BotaComments Off on Në Belgjikë hyn në fuqi ndalimi i burkës

Gjysmëfinalet e Botërorit për femra


Në Kampionatin Botëror të Futbollit për femra që po zhvillohet në Gjermani, mbrëmë janë kompletuar çiftet e gjysmëfinales. Pas një ndeshje dramatike 2:2 në kohën e rregullt dhe në kohën shtesë, kombëtarja amerikane mundi Brazilin në penallti me rezultat 5:3. Ndërsa pasdite Suedia ka mundur Australinë me rezultat 3:1. Pas eliminimit sensacional të Gjermanisë nga Japonia të shtunën, në gjysmëfinale do të ndeshen: Japonia – Suedia dhe SHBA – Franca.

Burimi: DW

Posted in Bota, SportComments Off on Gjysmëfinalet e Botërorit për femra

Parlamenti federal gjerman vendos daljen nga energjia bërthamore


Plot katër muaj pas katastrofës bërthamore në Fukushima të Japonisë, parlamenti federal gjerman vendosi dhënien fund përdorimit të energjisë bërthamore në Gjermani deri në vitin 2022. Në parlamentin në Berlin pati një konsensus ndërpartiak. 523 deputetë të Unionit CDU/CSU, liberalëve (FDP) si dhe të grupeve opozitare SPD dhe ekologjistëve votuan pro daljes nga energjia bërthamore. Pati 79 vota kundër para së gjithash nga partia “E Majta” si dhe 8 abstenime. Ligji për daljen nga energjia bërthamore parashikon që tetë reaktorët e shkëputur tashmë nga rrjeti, të mbeten të fikur. Nëntë centralet e tjera bërthamore do të fiken njëri pas tjetrit deri në vitin 2022. Me votat e partive të koalicionit konservatoro-liberal, Bundestagu miratoi shtatë ligje për zgjerimin e energjive të ripërtëritshme dhe për më shumë eficiencë energjitike. Opozita i refuzoi këto ligje si të pamjaftueshme.

 

Burimi:DW

Posted in BotaComments Off on Parlamenti federal gjerman vendos daljen nga energjia bërthamore

Advert

Archives