BBC -
nga Ilir Kadia
Komisioni Evropian
Për këtë arsye ka mbërritur në kryeqytetin e Shqipërisë zëvendëspresidenti i Komisionit, Franco Frattini, Komisioner për Lirinë, Sigurinë dhe Drejtësinë.
Në prag të vizitës, z. Frattini tha se dialogu 'do të nxisë promovimin e lëvizjes së njerëzve mes vendeve të BE-së dhe Ballkanit Perëndimor si një element kyç drejt një bashkëpunimi më të ngushtë me vendet e rajonit'.
"Vij personalisht në Tiranë për t'u sjellë qytetarëve shqiptarë një mesazh politik të fortë e pozitiv nga Bashkimi Evropian, duke nisur dialogun për liberalizimin e vizave mes Bashkimit Evropian dhe vendit të tyre.
Ky proces, shtoi më tej komisioneri, synon të arrijë qëllimin e përbashkët të lëvizjes së lirë të qytetarëve.
Dialogu do të hapet nga pala shqiptare nga kryeministri Sali Berisha.
Gjatë vizitës së tij të shkurtër, zëvendës-presidenti Frattini do të takohet gjithashtu me presidentin e republikës, Bamir Topi dhe kryetaren e kuvendit, Jozefina Topalli.
Qëllimi i dialogut është t'u japë sinjale të qarta autoriteteve shqiptare për masat që duhet marrë për të siguruar lëvizjen pa viza për të gjithë qytetarët e Shqipërisë.
Kritika
Opozita, përmes Arta Dades, sekretare për marrëdhëniet me jashtë të Partisë Socialiste tha se vizita e Frattinit është e mirëpritur, por qeveria vazhdon të jetë e vonuar në përmbushjen e kushteve dhe masave për liberalizimin e vizave.
"Kjo qeveri vazhdon të vonohet me pajisjen e shtetasve me kartat e identitetit dhe me aplikimin e mekanizmave për të eliminuar falsifikimin e dokumentave" thotë Arta Dade.
Që prej 1 janarit 2008, qytetarët shqiptarë tashmë po shijojnë përfitimet e një regjimi më të lehtësuar vizash për të udhëtuar në vednet e BE-së.
Në këtë regjim përfshihen aplikim dhe procedura të njësuara të lëshimit të vizave për një kategori të gjerë shtetasish shqiptarë, që nga studentëtm, deri tek operatorët ekonomikë që punojnë me kompanitë e Bashkimit Evropian.
